எல்லா காலை பொழுதுபோல் அன்றும் எனக்கு விடிந்தது . முதல் கால் பிரபாவிடம் இருந்து வந்தது .
கொஞ்சம் என்னுடன் எக்ஸ்ப்ரஸ் அவன்யு வரை வரமுடியுமா என்றார் ?
எனக்கு வேலை இருக்கிறது என்ன விஷயம் என்று கேட்டேன் .
பிரபல பதிவர் டாக்குடர் பன்னிகுட்டி ராமசாமி வந்திருக்கிறார் (அப்படிதான் அவரை சொல்லவேண்டும் என்று அன்பு கட்டளை போட்டிருக்கிறார் )அவரை பார்க்கவேண்டும் என்றார் .
இதை விட நமக்கு வேற என்ன பெரிய வேலை உடனே வருகிறேன் என்று சொல்லிவிட்டு பிரபா வீட்டிற்கு கிளம்பினேன்.
பிரபாகரையும் அழைத்துகொண்டு கிளம்பும்போது அந்த அதிர்ச்சி தகவலை சொன்னார்.
பன்னி எனக்கு மட்டும்தான் அனுமதி கொடுத்திருக்கிறார்.அவர் வந்திருக்கும் தகவலை வேறு யாருக்கும் சொல்லகூடாது . கேமரா , செல்போன் போன்றவைக்கு அனுமதி இல்லை. அதனால் என்னை இறக்கி விட்டு ஒரு ஓரமாக நின்னு பன்னியை பார்த்துவிட்டு நீங்கள் போய்விடுங்கள் என்று .
அது என்ன அப்படி ஒரு அப்பாடேகர் ? நாங்க அண்டர்டேகரையே அசால்ட்டா டீல் பண்ணுவோம் பார்த்துவிடலாம் என்று எக்ஸ்ப்ரஸ் அவன்யு உள்ளே நுழைந்தேன் . ரொம்ப சீக்கிரம் வந்துவிட்டோம் என்று நினைக்கிறேன் ஒரு கடையையும் திறக்கவில்லை. எலிவேட்டர் பக்கத்தில் யாரோ மறைந்திருந்து நம்மளையே உற்று பார்ப்பது தெரிந்தது. அது வேறுயாரும் இல்லை நம்ம சிவகுமார்தான். அவரையும் இதேபோல் நிபந்தனையுடன் பிரபாகர் அழைத்து வந்திருப்பது புரிந்தது.
இதை பார்த்ததும் என் ரத்தம் கொதித்தது. இன்று பன்னியை ஊறுகாய் போடாமல் விடுவது இல்லை என்று மனசுக்குள் கருவிகொண்டேன். ஒருவேளை வயதானவராக இருப்பாரோ ? அதனால்தான் முகத்தை காட்ட இப்படி பயப்படுகிறார் என்று நாங்கள் பேசிகொண்டிருக்கும் போது. சில் என்று ஏ.சி காற்று முகத்தில் அறைந்தது . எங்கள் தலைமுடி எல்லாம் லேசாக காற்றில் ஆடியது . பின்னால் இருந்த கடைகளில் எல்லாம் ஒரேநேரத்தில் விளக்குகள் எரிந்தது.காற்றில் நறுமண வாசம் . எதுக்கு வள வளன்னு அதாங்க தமிழ் பட கதாநாயகி வரும்போது ஒரு எபக்ட் வருமே அதுமாதிரின்னு வச்சிக்கங்க .
அங்கே கதவை திறந்து கொண்டு பண்ணி என்டர் ஆகிறார் . பன்னியை பார்த்தவுடன் நம்ம சிவகுமார் பரவச நிலையை அடைந்துவிட்டார் . அந்த நிலை அவர் கிளம்பும் வரை இருந்தது என்பது வேறுவிசயம்.
பன்னி ஏன் தன்னை வெளிக்காட்டிக்கொள்ள தயங்குகிறார் என்பது அவரை பார்த்த பின்னால் எனக்கு புரிந்தது .
அவரை பார்த்தவுடன் நான் சொல்ல நினைத்தது . நீங்க எம்.ஜி.ஆர். மாதிரி நல்லா கலரா இருக்கீங்க . சும்மா தக தகன்னு மின்னுறீங்க . அப்புறம் நமீதாவிற்கு மீசை வைத்தது போல் ஒரு கலையான முகம் . அவர் மட்டும் பெண்ணாக பிறந்திருந்தால் காலில் விழுந்து என்னை கல்யாணம் பண்ணிக்க கேட்டிருப்பேன்.ஓகே பாஸ் நீங்க முகத்தை காட்டாமல் இருப்பது இந்த சமுதாயத்திற்கு நல்லதுதான் .
பிரபா நைசாக எங்களிடம் இருந்து விலகி போய் பன்னியிடம் தன்னை அறிமுகம் செய்துகொண்டார் .
நானும் சிவாவும் பின்னால் சென்று ஹெலோ ஐ யாம் அஞ்சா சிங்கம் என்றேன் . அவ்ளோதான் ஒரு நிமிடம் ஜெர்க் ஆனவர் ப்ருச்லீ போல் கை யை வைத்து கொண்டு சுற்றும் முற்றும் பார்க்க தொடங்கி விட்டார். இன்னும் எத்தனை பேர் மறைந்து இருக்கீங்க உண்மையை சொல்லுங்க என்று. யோவ் வேற யாரும் இல்லை நாங்க மட்டும்தான் என்று சமாதானம் செய்வதற்குள் போதும்டா சாமி .
இன்னும் அவரின் அடுத்தடுத்த அலம்பல்கள் தொடரும் ...................
உலக வலைபூ வரலாற்றில் சென்னைக்கு வந்து சில நாட்களே ஆன புத்தம் புதிய பன்னியின் புகைப்படம் விரைவில் எதிர்பாருங்கள் ..
